امت نیوز ڈیسک //
سری نگر، 08 مارچ : نیشنل کانفرنس کے نائب صدر عمر عبداللہ کے کہنے کے بعد کہ آنے والے لوک سبھا انتخابات کے لیے پی ڈی پی کے ساتھ کوئی اتحاد نہیں ہوگا، پیپلز ڈیموکریٹک پارٹی کی صدر محبوبہ مفتی نے کانگریس کے کورٹ میں گیند پھینکتے ہوئے کہا کہ وہ آئندہ لوک سبھا انتخابات کانگریس پارٹی سے مشاورت کے بعد فیصلہ کریں گے ۔
سری نگر میں ایک پریس کانفرنس سے خطاب کرتے ہوئے محبوبہ مفتی نے نیوز ایجنسی – کشمیر نیوز آبزرور (کے این او) کے مطابق کہا کہ انہیں این سی کے فیصلے کے بعد تکلیف ہوئی ہے کیونکہ پارٹی نے وہ کیا ہے جو بی جے پی، پی اے جی ڈی کو نقصان پہنچا کر نہیں کر سکتی۔
انہوں نے یہ بھی کہا کہ وہ اس سلسلے میں کانگریس سے بات کریں گی اور جلد ہی کوئی فیصلہ کریں گی۔
انہوں نے کہا کہ "میں ایک فائٹر ہوں، ہم اس سلسلے میں کانگریس سے بات کریں گے اور جلد ہی اپنا فیصلہ عام کریں گے،“۔( کے این او)
