امت نیوز ڈیسک //
سری نگر: منشیات فروشوں کے خلاف جنگ کو جاری رکھتے ہوئے پولیس نے جنوبی کشمیر کے ضلع کولگام میں ایک بدنام زمانہ منشیات فروش کی غیر منقولہ جائیداد کو قرق کر دیا۔
ایک پولیس ترجمان نے اس سلسلے میں ایک بیان میں تفصیلات فراہم کرتے ہوئے کہا کہ کولگام پولیس نےغلام محمد میر عرف گل قصائی ولد محمد عبداللہ میر ساکن بوگام نامی بدنام زمانہ منشیات فروش کے قریب ایک لاکھ 14 ہزار 8 سو 94 روپیے مالیت کے یک منزلہ رہائشی مکان کو قرق کر دیا۔
انہوں نے کہا کہ یہ کارروائی این ڈی پی ایس ایکٹ 1985 کے متعلقہ دفعات کے تحت انجام دی گئی اور اس سلسلے میں پولیس اسٹیشن کولگام میں ایک ایف آئی آر زیر نمبر 166/2015 درج تھا۔
بیان میں کہا گیا کہ کولگام پولیس کی طرف سے تحقیقات کے دوران اس جائیداد کی شناخت غیر قانونی طور حاصل شدہ جائیداد کے طور پر ہوئی ہے۔
ان کا کہنا تھا: ‘یہ جائیداد پہلی نظر میں منشیات فروش کی طرف سے نشہ آور اور ادویات اور سائیکو ٹراپک مواد کی غیر قانونی اسمگلنگ سے حاصل کی گئی تھی’۔
