امت نیوز ڈیسک //
جموں: جموں وکشمیر کے راجوری ضلع کے درہال سروتھا مہرا علاقے میں مشتبہ افراد کی نقل وحرکت کے بعد فوج نے ہوائی فائرنگ کی۔معلوم ہوا ہے کہ سکیورٹی فورسز نے ایک وسیع علاقے کو اپنے محاصرے میں لے کر فرار ہونے کے سبھی راستوں پر پہرے بٹھا دئے ہیں۔
اطلاعات کے مطابق راجوری کے سروتھا مہرا درہال علاقے میں فوجی کیمپ کے نزدیک مشکوک افراد کی نقل وحمل کے بعد سنتری نے ہوا میں گولیوں کے کئی راؤنڈ فائر کئے۔
ذرائع نے بتایا کہ ہوائی فائرنگ کے بعد نامعلوم افراد گاؤں کی طرف فرار ہوئے جس کے بعد سکیورٹی فورسز نے ایک وسیع علاقے کو محاصرے میں لے کر تلاشی آپریشن شروع کیا۔
ذرائع کے مطابق سکیورٹی فورسز نے شاردا شریف علاقے میں بھی تلاشی لی، تاہم اس دوران کسی کی گرفتاری عمل میں لانے کے بارے میں کوئی اطلاع موصول نہیں ہوئی۔آخری اطلاعات موصول ہونے تک راجوری کے کئی دیہی علاقوں میں سرچ آپریشن جاری تھا۔اس سلسلے میں مزید تفصیلات کا انتظار ہے۔
واضح رہے کہ جمعہ کے روز سکیورٹی فورسز نے اوڑی کے صابورہ نالے میں دراندازی کی ایک کوشش کو ناکام بناتے ہوئے دو دراندازوں کو ہلاک کرنے کا دعوی کیا ہے۔ سکیورٹی فورسز نے تلاشی کارروائی کے دوران اسلحہ و گولہ بارود برآمد کیا ہے
(یو این آئی)
