امت نیوز ڈیسک //
کولگام 03 مئی// جنوبی کشمیر کے کولگام میں جموں سری نگر قومی شاہراہ کے ساتھ واقع کھڈوانی علاقے میں جمعہ کو نامعلوم گاڑی کی ٹکر سے ڈی ایچ پورہ کے دو بھائی ہلاک ہوگئے۔
ایک اہلکار نے نیوز ایجنسی کشمیر اسکرول کو بتایا کہ اسکوٹی پر سوار دو بھائی زیر رجسٹریشن نمبر JK05B 2629 والے ٹرک کی زد میں آکر ہلاک ہوگئے۔
ان کی شناخت شبیر احمد ڈار (30) اور عادل احمد ڈار (26) کے طور پر ہوئی ہے جو دونوں منظور احمد کے بیٹے ہیں اور کلگام کے ریسی پورہ احمد آباد ڈی ایچ پورہ کے رہنے والے ہیں۔
حکام نے بتایا کہ قانونی طبی کارروائیوں کے بعد لاشوں کو لواحقین کے حوالے کیا جا رہا ہے جبکہ مزید تفتیش شروع کر دی گئی ہے۔ (کشمیر اسکرول)
