امت نیوز ڈیسک //
بارہمولہ، 08 مئی: کپواڑہ کے بعد اب بارہمولہ پولیس نے منشیات فروشوں کی نقل و حرکت پر نظر رکھنے کے لیے جدید ترین جی پی ایس ٹریکنگ ٹیکنالوجی کو اپنایا ہے۔
ایک اہلکار نے نیوز ایجنسی کشمیر اسکرول کو بتایا، معزز عدالت سے موصول ہونے والے حکم کی تعمیل میں، بارہمولہ پولیس نے آج پی ایس بارہمولہ کے ایک این ڈی پی ایس کیس میں ضمانت یافتہ منشیات فروش پر ایک جی پی ایس ٹریکنگ ڈیوائس لگائی ہے۔
انہوں نے کہا کہ ملزم کو منشیات کی برآمدگی کے ساتھ گرفتار کیا گیا تھا اور حال ہی میں اسے ضمانت پر رہا کیا گیا ہے۔ جی پی ایس پازیب کا استعمال منشیات فروش کی نقل و حرکت پر نظر رکھنے اور اس بات کو یقینی بنانے کے لیے کیا جائے گا کہ وہ ضمانت کی شرائط کی خلاف ورزی نہیں کرتا ہے۔
قابل ذکر بات یہ ہے کہ اس ماہ کپواڑہ کشمیر کا پہلا ضلع بن گیا ہے جس نے منشیات کے ضمانتی ملزموں پر جی پی ایس پازیب لگائے ہیں۔(کشمیر اسکرول)
