امت نیوز ڈیسک //
جموں و کشمیر: سرینگر کے پرانے شہر راجوری کدل علاقے میں آتشزدگی کی ایک خوفناک واردات میں کم از کم 3 رہائشی مکان خاکستر ہوگئے۔ یہ حادثہ اتوار کی سہ پہر پیش آیا۔ آگ ایک رہائشی مکان میں لگی تھی لیکن آگ کی شدت نے آناًفاناً میں متصل مزید دو مکانوں کو اپنی لپیٹ میں لے لیا۔
اس دورن اگرچہ کافی مالی نقصان ہوا تاہم کسی جانی نقصان کی کوئی اطلاع نہیں ہے۔ آگ لگنے کے واقع کی اطلاع ملنے کے فوراً بعد فائر اینڈ ایمرجنسی سروسز کے عملہ آگ بجھانے کے لیے موقع پر پہنچ گئے، تاہم علاقہ گنجان ہونے کے باعث فائر اینڈ ایمرجنسی عملہ کو آگ پر قابو پانے کے لیے کافی مشقت کرنی پڑی۔
آگ بجھانے کی اس کارروائی کے دوران فئر اینڈ ایمرجنسی محکمے کا ایک اہلکار زخمی بھی ہوگیا، تاہم اس سے ہسپتال منتقل کر دیا گیا جہاں اس کی حالت مستحکم بتائی جارہی ہے۔ آگ لگنے کی وجوہات ابھی معلوم نہیں ہوسکی۔ البتہ پولیس نے معاملہ درج کر کے تحقیقات شروع کردی ہے۔
قابل ذکر ہے کہ گزشتہ اک ہفتے سے وادی کشمیر میں آگ کی وارداتوں میر غیر معمول اضافہ ہوا ہے۔ اس سے قبل بوہری کدل علاقے میں آتشزدگی میں مسجد، 20 دکان اور7 مکان جل کر خاکستر ہوگئے تھے اور اس کے بعد ایک اور بھیانک آگ کی واردات میں سرینگر کے عیدگاہ علاقے میں ایک مسجد اور کئی رہائشی مکانوں کو نقصان پہنچا تھا۔
