امت نیوز ڈیسک //
سوپور، 29 جولائی: شمالی کشمیر کے سوپور میں پیر کی سہ پہر ایک پراسرار دھماکے میں چار افراد کی موت ہو گئی۔ عہدیداروں نے جی این ایس کو بتایا کہ شیر کالونی سوپور میں ایک پراسرار دھماکہ ہوا جس میں چار افراد شدید زخمی ہوئے اور بعد میں انہیں قریبی اسپتال منتقل کیا گیا جہاں ڈاکٹروں نے ان میں سے تین کو مردہ قرار دیا۔
شدید زخمی ہونے والے ایک اور شخص کو سکمز صورہ ریفر کر دیا گیا ہے، تاہم ہسپتال جاتے ہوئے وہ زخموں کی تاب نہ لاتے ہوئے چل بسا۔
حکام نے جاں بحق ہونے والوں کی شناخت شیر کالونی کے رہائشی نذیر احمد ندرو، شیر کالونی کے رہائشی اعظم اشرف میر، عادل رشید بھٹ اور عبدالرشید بٹ کے نام سے کی ہے۔
دریں اثنا پولیس نے اس سلسلے میں کیس درج کر لیا ہے اور تحقیقات شروع کر دی گئی ہیں۔(جی این ایس )
