امت نیوز ڈیسک //
سری نگر، 08 دسمبر : سری نگر کے نوگام علاقے میں ایک نوجوان کرکٹر کرکٹ کی گیند کی زد میں آکر اپنی جان سے ہاتھ دھو بیٹھا۔
ایک اہلکار نے نیوز ایجنسی – کشمیر نیوز آبزرور کو بتایا کہ یہ واقعہ مدنکھا نوگام کرکٹ گراؤنڈ میں پیش آیا۔ متوفی کی شناخت عدنان رحیم بٹ ولد عبدالرحیم بٹ ساکن آستان پورہ راولپورہ کے نام سے ہوئی ہے۔
عدنان کو فوری طور پر ہسپتال منتقل کیا گیا تاہم ڈاکٹروں نے اسے مردہ قرار دے دیا۔ دریں اثنا، پولیس نے واقعے کی تحقیقات کا آغاز کر دیا ہے، اور مزید تفصیلات کا انتظار ہے۔(کے این او )
