امت نیوز ڈیسک //
سری نگر، 25 اپریل : پہلگام حملے کے تین دن بعد، جس میں کم از کم 26 لوگ مارے گئے تھے، جن میں زیادہ تر سیاح تھے، حکام نے جمعہ کو جنوبی کشمیر کے ترال اور بجبہاڑہ علاقے میں لشکر طیبہ کے دو ملی ٹینٹوں کے رہائشی مکانات کو تباہ کر دیا۔
سرکاری ذرائع نے جی این ایس کو بتایا کہ پلوامہ ضلع کے ترال میں آصف شیخ اور بجبہاڑہ اننت ناگ میں عادل ٹھوکر کے مکانات بائسرن پہلگام واقعہ میں ان کے مبینہ طور پر ملوث ہونے کے بعد دھماکے کے ذریعے مسمار کر دیے گئے۔
پہلگام کے ایک مقامی کے علاوہ 25 سیاحوں سمیت کم از کم 26 افراد، جن میں سے ایک نیپال سے اور باقی ہندوستان کی مختلف ریاستوں سے ہیں، گزشتہ منگل کو بائسرن پہلگام حملے میں مارے گئے۔(جی این ایس )
