امت نیوز ڈیسک //
سری نگر، 24 جون: راجوری ضلع میں منگل کو علی الصبح چٹیار-چنگس روڈ کے قریب ایک سڑک حادثے میں کم از کم دو افراد ہلاک جب کہ 9 دیگر زخمی ہو گئے۔
عہدیدار نے جی این ایس کو بتایا کہ ایک ٹیمپو جس کا رجسٹریشن نمبر JK02AW-9030 تھا آج صبح چٹیار چنگس کے قریب ٹاٹا موبائل زیر رجسٹریشن نمبر JK02CG-7011 سے ٹکرایا۔ اس واقعے میں دو افراد ہلاک اور نو زخمی ہو گئے۔ فوج، پولیس اور ریسکیو ٹیم فوری طور پر ریسکیو آپریشن کے لیے موقع پر پہنچ گئی۔
مرنے والوں کی شناخت انشا فاطمہ (26) دختر اختر علی ساکن دھنون کوٹ اور فرزانہ بیگم (50) بیوی محمد اقبال ساکن فتح پور کے طور پر ہوئی ہے۔
تمام نو زخمیوں کو علاج کے لیے جی ایم سی راجوری منتقل کیا گیا ہے۔
