امت نیوز ڈیسک //
لیہہ، 3 جولائی:بدھ کی شام لیہہ-لداخ ہائی وے پر ایک المناک سڑک حادثے میں دو افراد اپنی جان سے ہاتھ دھو بیٹھے جب ایک آئل ٹینکر سڑک سے پھسل کر گہری کھائی میں جا گرا۔
ایک اہلکار نے خبر رساں ایجنسی جے کے این ایس کو بتایا کہ حادثے کے نتیجے میں ٹینکر کے ڈرائیور اور کنڈکٹر دونوں کی موقع پر ہی موت ہو گئی۔ اہلکار نے بتایا کہ ہم نے جائے وقوعہ پر پہنچ کر مدد کرنے کی کوشش کی لیکن بدقسمتی سے مدد پہنچنے تک دونوں زخموں کی تاب نہ لاتے ہوئے دم توڑ چکے تھے۔
مرنے والوں کی شناخت کی تصدیق ہونا باقی ہے۔
حکام نے حادثے کی وجوہات جاننے کے لیے تحقیقات شروع کر دی ہیں۔ (جے کے این ایس)
