امت نیوز ڈیسک //
سرینگر، 23 اگست): وزیر دفاع راجناتھ سنگھ اتوار کو کشتواڑ ضلع کے سیلاب سے متاثرہ علاقوں کا دورہ کرنے والے ہیں، جہاں چسوتی گاؤں میں تباہ کن بادل پھٹنے کے بعد مسلسل نویں روز بھی ریسکیو اور ریلیف آپریشن جاری ہے۔
ذرائع نے نیوز ایجنسی—کشمیر نیوز آبزرور (کے این او) کو بتایا کہ راجناتھ سنگھ جاری ریسکیو کاموں کا جائزہ لیں گے، متاثرہ خاندانوں سے ملاقات کریں گے اور ریلیف اقدامات کا معائنہ کریں گے۔
14 اگست کو آنے والے اس بادل پھٹنے کے واقعے نے شدید طغیانی کو جنم دیا، جس میں اب تک کم از کم 65 افراد جان کی بازی ہار چکے ہیں، جبکہ 70 سے زائد لوگ تاحال لاپتہ ہیں۔
ریسکیو ٹیمیں، جن میں فوج، این ڈی آر ایف، ایس ڈی آر ایف اور مقامی انتظامیہ کے اہلکار شامل ہیں، لاپتہ افراد کو تلاش کرنے کے لیے بڑے پیمانے پر کارروائیوں میں مصروف ہیں۔—(کے این او)
