امت نیوز ڈیسک //
سرینگر، 24 اگست : جموں و کشمیر سروس سلیکشن بورڈ نے اتوار کو جونیئر انجینئر (الیکٹریکل) کے عہدے کے لیے منعقد ہونے والا او ایم آر بیسڈ امتحان منسوخ کر دیا، جو آج منعقد ہونا تھا۔
نیوز ایجنسی کشمیر نیوز آبزرور کے مطابق، جے کے ایس ایس بی نے ایک حکم نامے میں کہا کہ محکمہ بجلی (Power Development Department) میں جونیئر انجینئر (الیکٹریکل) کی آسامیوں کے لیے او ایم آر بیسڈ تحریری امتحان 24.08.2025 کو صبح 11 بجے جموں اور سرینگر اضلاع کے 35 امتحانی مراکز پر لیا جانا تھا۔
تاہم، بورڈ نے کہا کہ موسم سے جڑی ہنگامی صورتحال کے باعث امتحان کا وقت صبح 11 بجے سے بدل کر 12 بجے کر دیا گیا۔
حکم نامے میں کہا گیا: "امتحان 34 مراکز پر کامیابی سے منعقد ہوا، لیکن ایک مرکز پر امتحان نہیں ہو سکا۔”
"اس صورتحال کے پیشِ نظر، بورڈ نے فیصلہ کیا ہے کہ جونیئر انجینئر (الیکٹریکل) محکمہ بجلی کے لیے 24.08.2025 کو منعقدہ او ایم آر بیسڈ امتحان منسوخ کر دیا جائے اور یہ امتحان دوبارہ لیا جائے گا،” جے کے ایس ایس بی نے کہا۔
مزید کہا گیا ہے کہ اس امتحان کی نئی تاریخیں علیحدہ طور پر جاری کی جائیں گی۔
قابلِ ذکر ہے کہ ایک ویڈیو، جس میں مبینہ طور پر جے ای الیکٹریکل کا سوالیہ پرچہ امتحان مکمل ہونے سے پہلے ہی لیک ہوتے دکھایا گیا، سوشل میڈیا پر وائرل ہوا، جس نے ایک امتحانی مرکز میں احتجاج کو جنم دیا۔ (کے این او)
