نئی دہلی، 13 نومبر:
دہلی دھماکے پر کانگریس نے وزیراعظم نریندر مودی سے فوری طور پر آل پارٹی میٹنگ بلانے کا مطالبہ کیا اور سوال اٹھایا کہ آیا پہلگام حملے کے بعد حکومت کی جانب سے طے کی گئی نیو نارمل ڈاکٹرین، جس کے تحت کسی بھی دہشت گرد حملے کو جنگی کارروائی سمجھا جانا تھا — اب بھی برقرار ہے یا نہیں۔ کانگریس ترجمان پون کھیرا نے پریس کانفرنس میں مطالبہ کیا کہ پارلیمنٹ کا سرمائی اجلاس، جو یکم دسمبر سے شروع ہونا ہے، کو آگے بڑھایا جائے تاکہ اس واقعے پر جامع بحث کی جا سکے۔
ترجمان پون کھیرا نے کہا کہ حیرت کی بات ہے کہ 48 گھنٹے گزرنے کے بعد کابینہ نے اس واقعے کو دہشت گرد حملہ قرار دیا…نہوں نے سوال کیا کہ انٹیلی جنس ایجنسیاں اور قومی سلامتی مشیر اجیت ڈوول کی نگرانی کے باوجود 2,900 کلو دھماکہ خیز مواد فریدآباد سے دہلی تک کیسے پہنچا؟انہوں نے مزید کہاکار میں اتنے دھماکہ خیز مواد کے ساتھ لال قلعے کے قریب دھماکہ ہوا، مگر ذمہ داری کون لے رہا ہے؟پون کھیڑا نے کہا کہ کانگریس ہمیشہ دہشت گرد حملوں کے وقت حکومت کے ساتھ کھڑی رہی ہے، لیکن سوال پوچھنا اپوزیشن کا فرض ہے۔
