امت نیوز ڈیسک //
پونچھ، 22 نومبر: فوج کے ایک اگنی ویر اہلکار کی مندر سیکٹر، پونچھ میں گولی لگنے سے موت واقع ہوگئی ہے۔ سرکاری ذرائع کے مطابق یہ واقعہ ہفتے کے روز پیش آیا۔
متوفی کی شناخت اگنی ویر دیپک سنگھ کے طور پر ہوئی ہے۔ واقعہ تھانہ مندر کی حدود میں پیش آیا ہے، جس کی پولیس نے تصدیق کی ہے۔
ذرائع نے بتایا کہ پولیس اس بات کی جانچ کر رہی ہے کہ آیا یہ خودکشی کا معاملہ ہے یا سرکاری اسلحے سے گولی حادثاتی طور پر چل گئی۔ اس سلسلے میں مختلف پہلوؤں سے تحقیقات جاری ہیں۔
ایک افسر نے بتایا، “واقعے کی تفصیلی انکوائری شروع کر دی گئی ہے اور مزید معلومات تحقیقات مکمل ہونے کے بعد فراہم کی جائیں گی۔”(جی این ایس)
