امت نیوز ڈیسک //
اودھمپور، 15 دسمبر : پیر کے روز ضلع اودھمپور میں ملی ٹینٹوں اور سیکورٹی فورسز کے درمیان تصادم شروع ہو گیا، حکام نے بتایا۔
ذرائع کے مطابق جیشِ محمد سے وابستہ ملی ٹینٹوں کو سون ماجٹلہ علاقے میں سیکورٹی فورسز کی جانب سے شروع کی گئی محاصرہ و تلاشی کارروائی کے دوران گھیر لیا گیا ہے۔ بتایا گیا ہے کہ ملی ٹینٹوں فورسز پر فائرنگ کی، جس کے جواب میں فورسز نے بھی جوابی کارروائی کی۔
علاقے میں مزید فورسز کو طلب کر لیا گیا ہے اور کسی بھی ممکنہ فرار کو روکنے کے لیے پورے علاقے کو گھیرے میں لے لیا گیا ہے۔ خبر فائل کیے جانے تک آپریشن جاری تھا۔
دریں اثنا، رابطہ کرنے پر ایک فوجی عہدیدار نے بتایا کہ تاحال تصادم کی باقاعدہ تصدیق موصول نہیں ہوئی ہے۔ [کے این ٹی]
