امت نیوز ڈیسک //
سرینگر، 31 دسمبر: کشمیر وادی کے دیہی علاقوں میں سال 2025 کے دوران سڑک حادثات میں 15 فیصد اور اموات میں 22 فیصد کمی درج کی گئی ہے۔ یہ انکشاف ایس ایس پی ٹریفک رورل کشمیر آر پی سنگھ نے سالانہ پریس کانفرنس کے دوران کیا۔
انہوں نے بتایا کہ 2024 میں 1,179 حادثات اور 279 اموات ہوئیں، جبکہ 2025 میں یہ تعداد گھٹ کر 1,000 حادثات اور 210 اموات رہ گئی۔ ان کے مطابق یہ کامیابی مؤثر نفاذ، بیداری مہمات اور مختلف محکموں، تعلیمی اداروں، میڈیا اور رضاکاروں کے باہمی تعاون کا نتیجہ ہے۔
ایس ایس پی نے کہا کہ اب 80 فیصد ڈرائیور سیٹ بیلٹ جبکہ 90 فیصد دو پہیہ سوار ہیلمٹ کا استعمال کر رہے ہیں، جو مثبت طرزِ عمل کی علامت ہے—(کے این او)
