امت نیوز ڈیسک //
راجوری/ ولیج ڈیفنس کمیٹی ( وی ڈی سی) کے ایک رکن نے راجوری ضلع کے اندرولا گاوں میں مشکوک نقل و حرکت دیکھے جانے کے بعد ہوائی فائرنگ کی۔زرائع نے بتایا کہ راجوری کی چنگس چختیار پولیس چوکی کے دائرہ اختیار میں آنے والے گاوں اند رولا میں یہ واقع پیش آیا ہے۔ پولیس ذرائع کے مطابق وی ڈی سی ممبر ( سابق فوجی اہلکار ) نے دعوی کیا ہے کہ اس کے گھر کے قریب کچھ لوگوں کو مشکوک حالت میں دیکھا گیا جنہوں نے گھر میں گھسنے کی کوشش کی جس کے بعد انہوں نے ہوائی فائر نگ کی۔
سینئر سپر نٹنڈنٹ آف پولیس راجوری محمد اسلم نے بتایا کہ وی ڈی سی ممبر نے کچھ مشتبہ نقل و حرکت پر ہوائی فائر نگ کی۔ جس کے بعد فوج اور پولیس کی ٹیمیں موقع پر پہنچ گئی ہیں اور تلاشی مہم شروع کر دی ہے۔
