امت نیوز ڈیسک //
یونیورسٹی سرینگر نے 31 جنوری کو لئے جانے والے مختلف امتحانات کو ملتوی کردینے کا اعلان کیا ہے۔
کشمیر یونیورسٹی کے کنٹرولر امتحانات ڈاکٹر ماجد زمان نے کہا ہے کہ تمام پی جی انجینئرنگ اور دیگر امتحانات جو 31 جنوری 2023 کو ہونے والے تھے، موسمی صورتحال خراب ہونے کے پیش نظر ملتوی کر دیے گئے ہیں۔
انہوں نے کہا کہ ملتوی ہونے والے امتحانات کو بعد میں الگ سے لیا جائے گا۔
ادھر اطلاعات کے مطابق کلسٹر یونیورسٹی سرینگر کے بھی کل لئے جانے والے تمام امتحانات خراب موسمی صورتحال کی وجہ سے ملتوی کردیئے گئے ہیں، یونیورسٹی انتظامیہ نے بتایا کہ ملتوی پرچوں کی تازہ تاریخوں کو الگ سے مطلع کیا جائے گا۔
یاد رہیں کہ موسمی صورتحال خراب رہنے کی وجہ سے آج بھی ان یونیورسٹیوں نے کئی امتحانات ملتوی کر دیئے تھے۔
