(سرینگر) وادی کشمیر میں گرچہ لوگ دن بھر کھلی رہنے والی ہلکی دھوپ سے لطف اندوز ہو رہے ہیں تاہم شبانہ درجہ حرارت مسلسل نقطہ انجماد سے نیچے درج ہونے کے باعث سردی کی شدت سے کانپتے رہتے ہیں۔ ادھر محکمہ موسمیات کے ایک ترجمان کی پیش گوئی کے مطابق جموں و کشمیر میں14 دسمبر تک موسم مجموعی طور پر خشک رہنے کا امکان ہے۔ انہوں نے کہا کہ جموں وکشمیر میں14دسمبر تک موسم خشک رہنے کا امکان ہے تاہم 15 دسمبر کو موسم کروٹ بدل سکتا ہے جس کے باعث کہیں کہیں ہلکے درجے سے درمیانی درجے کی برف باری یا بارشیں متوقع ہیں۔
