(نئی دہلی) انڈین آرمی کے موجودہ چیف جنرل نروانے نے ‘چیف آف اسٹاف کمیٹی’ کے چیئرمین کا عہدہ سنبھال لیا ہے، جس میں تینوں سروسز کے سربراہان شامل ہیں۔ یہ عہدہ سی ڈی ایس جنرل بپن راوت کے انتقال کے بعد خالی ہوا تھا۔ اس پیشرفت سے واقف عہدیداروں نے بدھ کو یہ جانکاری دی۔ تفصیلات کے مطابق جنرل نروانے تینوں سروسز کے سربراہوں میں سب سے سینئر ہونے کی وجہ سے انہیں کمیٹی کے چیئرمین کا چارج دیا گیا ہے۔ سی ڈی ایس کے عہدے کی تشکیل سے پہلے، عام طور پر تینوں سروسز کو سب سے سینئر سربراہوں کو ‘چیف آف اسٹاف کمیٹی’ کے چیئرمین کا چارج دیا جاتا تھا۔
