امت نیوز ڈیسک //
سرینگر: لداخ خود مختار پہاڑی ترقیاتی کونسل – کرگل کے انتخابات میں ڈالے گئے ووٹوں کی گنتی کا عمل جاری ہے۔ابتدائی رجحان میں نیشنل کانفرنس نے 3، کانگریس نے 6 جبکہ بی جے پی نے 2 نشست پر کامبیابی حاصل کی وہیں ایک سیٹ پر آزاد امیدوار نے کامیابی حاصل کی ۔ اطلاعات کے مطابق لداخ خود مختار پہاڑی ترقیاتی کونسل – کرگل کے انتخابات کے سلسلے میں ڈالے گئے ووٹوں کی گنتی اتوار کی صبح سے جاری ہے۔ذرائع نے بتایا کہ سخت سکیورٹی کے بیچ اتوار کی صبح آٹھ بجے سے ووٹ شماری کا عمل شروع ہوا۔
واضح رہے کہ ان انتخابات میں 26 سیٹوں کے لیے 85 امیدواروں نے حصہ لیا تھا، جن میں حکمران جماعت بی جے پی نے 17 سیٹوں پر امیدوار میدان میں اتارے تھے، جبکہ نیشنل کانفرنس نے 17 اور کانگریس کے 22 امیدوار انتخابات لڑ رہے ہیں۔ وہیں عام آدمی پارٹی نے بھی پہلی مرتبہ ان انتخابات میں اپنی قسمت آزمائی کی ہے اور چار امیدواروں کو میدان میں ڈالا تھا۔ اس کے علاوہ 25 آزاد امیدوار بھی اپنی قسمت آزمائی کر رہے ہیں۔ کچھ سیٹوں پر نیشنل کانفرنس اور کانگریس کا دوستانہ مقابلہ تھا”۔
