(سرینگر) پولیس نے ضلع پلوامہ میں دو جنگجو اعانت کاروں کو گرفتار کرکے اُن کی تحویل سے قابل اعتراض مواد برآمد کرنے کا دعویٰ کیا ہے۔ پولیس کے ایک ترجمان نے بتایا کہ 44 آرآر، 182 بٹالین سی آر پی ایف اور پلوامہ پولیس نے ممنوع تنظیم جیش سے وابستہ دو معاونین کو گرفتار کیا ہے۔ انہوں نے گرفتار اعانت کاروں کی شناخت عادل علی ولد علی محمد بٹ ساکن اچھن اور آصف گلزار ولد گلزار احمد ڈار ساکن حاجی ڈار پورہ کے بطور کی ہے۔ انہوں نے کہاکہ ابتدائی تحقیقات کے دوران معلوم ہوا ہے کہ گرفتار شدہ اعانت کار ضلع میں سرگرم جنگجووں کو منطقی مدد فراہم کر رہے تھے۔
On a specific information about Movement of ANEs, #Pulwama Police with assistance of 44RR & 182 BN CRPF arrested 02 terror associates of JeM outfit who were involved in providing logistic support to strengthen terror network. Arms/Ammunition were recovered. @JmuKmrPolice
— Pulwama Police (@ssppul) December 27, 2021
ترجمان کا مزید کہنا ہے کہ گرفتا رشدگان کے قبضے سے قابل اعتراض مواد برآمد کرکے ضبط کیا گیا ہے۔ انہوں نے کہا کہ مذکورہ اعانت کار جیش کمانڈروں سے رابطے میں تھے اور وہ ضلع پلوامہ میں اسلحہ و گولہ بارود کو ایک جگہ سے دوسری جگہ پہنچانے میں بھی ملوث رہے ہیں۔ پولیس نے اس ضمن میں کیس درج کرکے مزید تحقیقات شروع کی ہے۔
