(سرینگر) سرینگر کے شالیمار علاقے میں عسکریت پسندوں اور فورسز اہلکاروں کے درمیان لشکر طیبہ سے وابستہ ایک جنگجو کے مارے جانے کے فوراً بعد دوسرا تصادم شروع ہوا ہے، جس میں مزید ایک جنگجو ہلاک ہو گیا ہے۔ پولیس نے ایک بیان میں کہا، "سرینگر کے شالیمار علاقے کے قریب گاسو میں ایک اور انکاؤنٹر شروع ہوا۔ پولیس اور سی آر پی ایف کے اہلکار علاقے میں تعینات ہیں۔ انکائونٹر میں ایک اور جنگجو ہلاک ہو گیا ہے۔”قبل ازیں، آئی جی پی کشمیر، وجے کمار نے لشکر طیبہ کے عسکریت پسند سلیم پرے کو ہلاک کرنے کا دعویٰ کیا تھا۔
