ڈل جھیل میں دو ہاوس بوٹ خاکستر

(سرینگر) جھیل ڈل میں منگل اور بدھ کی درمیانی شب کو دو ہاوس بوٹ خاکستر ہوئے ہیں۔سرکاری ذرائع نے بتایا کہ منگل اور بدھ کی درمیانی شب کو ایک ہاوس بوٹ سے آگ نمودار ہوئی اور آگ کے شعلوں نے ایک اور ہاوس بوٹ کو اپنی لپیٹ میں لے لیا۔انہوں نے بتایا کہ آگ لگنے کے فوراً بعد فائر اینڈ ایمرجنسی کی ایک ٹیم، پولیس اور مقامی لوگ آگ پر قابو پانے کے لئے جائے موقع پر پہنچی لیکن دو ہاوس بوٹوں، ہاوس بوٹ نیو زی لینڈاور ہاوس بوٹ اپالو الیون، کو راکھ کے ڈھیر میں تبدیل ہونے سے نہیں بچا سکے۔