امت نیوز ڈیسک //
سری نگر، 21 اپریل: شمالی کشمیر کے بارہمولہ ضلع کے سوپور علاقے میں آج دوپہر ایک رہائشی مکان میں آگ لگنے سے ایک کمسن بچی زندہ جل گئی۔
ایشین نیوز ہب تک پہنچنے والی اطلاعات میں بتایا گیا ہے کہ تارزو سوپور میں ایک رہائشی مکان میں آگ بھڑک اٹھی۔ انہوں نے بتایا کہ اس واقعہ میں ایک کمسن بچی شدید جھلس گئی تھی اور اسے علاج کے لیے ایس ڈی ایچ سوپور لے جایا گیا تھا، جہاں پہنچنے پر ڈاکٹروں نے اسے مردہ قرار دے دیا۔
متوفی کی شناخت 02 سالہ ردا تنویر کے نام سے ہوئی ہے، جو کہ وانی گام پٹن کے رہائشی تنویر احمد لون کی بیٹی تھی، جب یہ واقعہ پیش آیا وہ اپنے گھر پر تھی۔
دریں اثناء پولیس نے واقعہ کا نوٹس لے لیا ہے اور فوری طور پر آگ لگنے کی وجہ معلوم نہیں ہو سکی ہے۔
