سرینگر جموں شاہراہ پر پنتھال کے مقام پر گاڑی گہری کھائی میں جا گری، ڈرائیور ہلاک

(سرینگر) سرینگر جموں شاہراہ پر پنتھال کے مقام پر ایک ٹویرا گاڑی گہری کھائی میں جاگری جس کے نتیجے میں ڈرائیور شدید طورپر زخمی ہوا اور اُس کو نازک حالت میں ہسپتال منتقل کیا گیا ہے۔سرکاری ذرائع نے بتایا کہ جمعے کے روز سرینگر جموں شاہراہ پر پنتھال کے مقام پر ٹویرا ڈرائیور کے قابو سے باہر ہو کر گہری کھائی میں جاگری ۔انہوں نے بتایا کہ حادثے کی اطلاع ملتے ہی مقامی رضا کار اور پولیس جائے موقع پر پہنچے اور زخمی ڈرائیور جس کی شناخت ظہور احمد الائ ولد فتح محمد ساکن واری پورہ کیری بارہ مولہ کے بطور ہوئی ہے، کو پبلک ہیلتھ سینٹر رامسو منتقل کیا گیا جہاں ابتدائی مرہم پٹی کے بعد اُسے ضلع اسپتال رام بن ریفر کیا گیا،جہاں وہ زخموں کی تاب نہ لا کر دم توڑ دیا ۔