امت نیوز ڈیسک //
سری نگر، 25 اپریل: شمالی کشمیر کے بانڈی پورہ ضلع کے اجس کے کلنار علاقے میں جمعہ کو جاری مسلح تصادم میں ایک ملی ٹینٹ معاون ازجان جبکہ دو پولیس اہلکار زخمی ہو گئے۔
سرکاری ذرائع نے جی این ایس کو بتایا کہ جنگجو کے ساتھ فائرنگ کے تبادلے کے دوران، ایک جنگجو معاون مارا گیا جب کہ دو پولیس اہلکاروں کو بھی گولی لگنے سے زخمی ہوئے۔
زخمی پولیس اہلکاروں کو فوری طور پر علاج کے لیے قریبی اسپتال منتقل کیا گیا جہاں ان کی حالت مستحکم بتائی جاتی ہے۔
ازجان ہونے والے ساتھی کی شناخت لشکر طیبہ تنظیم کے الطاف لالی کے نام سے ہوئی ہے۔
دوسری جانب علاقے میں آپریشن تاحال جاری ہے۔
قبل ازیں اجس کے علاقے میں عسکریت پسندوں اور سیکورٹی فورسز کے درمیان ایک مخصوص اطلاع ملنے کے بعد فائرنگ شروع ہوئی۔(ایجنسیاں)
