شوپیاں اور ترال میں سی آر پی ایف پر گرینیڈ حملے، ایک اہلکار زخمی

(شوپیاں/ترال) مشتبہ عسکریت پسندوں نے ہفتہ کی شام جنوبی کشمیر کے شوپیاں اور ترال علاقوں میں سی آر پی ایف دستوں پر دو گرینیڈ پھینکے جس میں سی آر پی ایف کا ایک اہلکار زخمی ہو گیا۔ فورسزحکام نے بتایا کہ عسکریت پسندوں نے زینہ پورہ شوپیاں میں سی آر پی ایف کے ایک کیمپ پر گرینیڈ پھینکا اور اس دھماکے میں کم از کم ایک سی آر پی ایف اہلکار امیت کمار زخمی ہوا۔اس کے علاوہ، آج شام جنوبی پلوامہ ضلع کے نودل ترال علاقے میں سی آر پی ایف کیمپ پر ایک گرینیڈ پھینکا گیا۔ انہوں نے کہا کہ اس واقعے میں کسی فوجی اہلکار کے زخمی ہونے کے حوالے سے کوٸی اطلاعات نہیں ہیں۔