(بڈگام) ضلع بڈگام کے غوطہ پورہ علاقے میں اُس وقت سنسنی کا ماحول پھیل گیا جب مشتبہ عسکریت پسندوں نے ایک شہری پر گھر کے نزدیک گولیاں چلا کر اس کو ابدی نیند سلا دیا۔ مشتبہ عسکریت پسندوں نے سوموار کی شام تجمل محی الدین راتھر ساکنہ گوطہ پورہ بڈگام پر اُن کے گھر کے نزدیک گولیاں چلائیں جس کے نتیجے میں وہ شدید طور پر زخمی ہوگیا۔ اگر چہ تجمل محی الدین کو شدید زخمی حالت میں علاج و معالجہ کیلئے اسپتال لے جانے کی کوشش کی گئی تاہم ڈاکٹروں نے اُنہیں وہاں مردہ قرار دیا۔ پولیس کے ایک سینئر آفیسر نے واقعہ کی تصدیق کرتے ہوئے بتایا کہ ملی ٹینٹوں نے ایک عام شہری جس کی شناخت تجمل محی الدین راتھر کے بطور ہوئی پر گولیاں چلائیں جس کے نتیجے میں اُن کی موت واقعہ ہوئی ۔ فورسز نے پورے علاقے کو محاصرے میں لیکر حملہ آوروں کو ڈھونڈ نکالنے کیلئے تلاشی کاروائی شروع کردی ہے۔
