امت نیوز ڈیسک //
سری نگر، 29 دسمبر: پولیس نے پیر کے روز ایک حفاظتی ایڈوائزری جاری کرتے ہوئے ٹنگمرگ کے جنگلاتی علاقے میں ٹریکنگ سے متعلق پابندیوں کا اعلان کیا ہے۔ یہ ایڈوائزری 21 دسمبر کو دنواس جنگلاتی علاقے میں پیش آنے والے ایک غیر مجاز ٹریکنگ واقعے کے بعد جاری کی گئی ہے۔
پولیس کے مطابق عوامی تحفظ کو یقینی بنانے اور سکیورٹی سے متعلق کسی بھی غلط فہمی سے بچنے کے لیے درج ذیل ہدایات نافذ العمل ہوں گی:
مقامی باشندے:
بالائی جنگلاتی علاقوں میں داخل ہونے سے قبل مقامی انتظامیہ سے لازمی اجازت حاصل کریں اور مقامی پولیس یا انتظامیہ کو پیشگی اطلاع دیں۔
غیر مقامی سیاح:
بالائی جنگلاتی علاقوں میں داخلہ اور ٹریکنگ ہر صورت میں سختی سے ممنوع قرار دی گئی ہے۔
بیان میں کہا گیا ہے کہ بارہمولہ پولیس عوام سے اپیل کرتی ہے کہ وہ ان ہدایات پر عمل کریں تاکہ محفوظ ماحول برقرار رکھا جا سکے اور کسی بھی ناخوشگوار واقعے سے بچا جا سکے۔ (جی این ایس)
