(سرینگر) کوکر ناگ کے وتہ نار علاقے میں ابتدائی فائرنگ کے بعد جنگجو سرکاری فورسز کو چکمہ دے کر تصادم کی جگہ سے نکلنے میں کامیاب ہوئے ہیں. یاد رہے ہفتے کی سہ پہر کو فورسز کی ایک مشترکہ ٹیم نے مصدقہ اطلاع موصول ہونے کے بعد وتہ نا ر کوکر ناگ کے جنگلی علاقے کو محاصرے میں لے کر تلاشی آپریشن شروع کیا۔ جوں ہی فورسز اہلکار مشتبہ مقام کے نزدیک پہنچے تو وہاں پر موجود جنگجووں نے فورسز پر فائرنگ کی جس کے نتیجے میں ایک فوجی گولیاں لگنے سے زخمی ہوا اور بعد میں وہ زخموں کی تا ب نہ لا کر چل بسا۔
