شوپیاں: جنوبی کشمیر ضلع شوپیاں کے بڑی مرگ الورہ باغات علاقے میں سکیورٹی فوسز اور عسکریت پسندوں کے درمیان جاری تصادم میں ایک عسکریت پسند کے ہلاک ہونے کی اطلاع ہے۔
شوپیاں انکاؤنٹر میں ایک عسکریت پسند ہلاکپولیس کے ایک ترجمان نے بتایا کہ سہ پہر سکیورٹی فورسز کو یہ اطلاع موصول ہوئی کہ شوپیاں کے آلورا بڑی مرگ گاؤں میں عسکریت پسند چھپے ہیں تو پولیس اور سکیورٹی فورسز نے فوراً اس علاقے کو محاصرے میں لے لیا اور انہیں ڈھونڈ نکالنے کے لیے کارروائی شروع کی۔ انہوں نے بتایا کہ فرار ہونے کے تمام راستے مسدود پا کر عسکریت پسندوں نے حفاظتی عملے پر اندھا دھند فائرنگ شروع کی چنانچہ سکیورٹی فورسز نے بھی پوزیشن سنبھال کر جوابی کارروائی کا آغاز کیا اور اس طرح سے جھڑپ شروع ہوئی۔
موصوف ترجمان کے مطابق سکیورٹی فورسز نے ایک وسیع علاقے کو محاصرے میں لے کر فرا رہونے کے سبھی راستوں پر پہرے بٹھا دئے ہیں۔ آخری اطلاعات موصول ہونے تک علاقے میں فائرنگ کا سلسلہ جاری ہے۔
