امت نیوز ڈیسک // جنوبی کشمیر کے ضلع پلوامہ کے چٹہ پورہ علاقے میں عسکریت پسندوں اور فوج کے درمیان تصادم ختم ہو گیا۔ اس تصادم میں سکیورٹی فورسز نے ایک عسکریت پسند کو ہلاک کر دیا ہے۔ اس جھڑپ میں جو عسکریت پسند ہلاک کیا گیا ہے وہ شمالی کشمیر کے چوگل ہندواڑہ سے بتایا جارہا تاہم پولیس نے ابھی تک اس کی شناخت نہیں کی۔
تفصیلات کے مطابق پولیس، فوج کی 55 راشٹریہ رائفلز اور سی ار پی ایف کی ایک مشترکہ ٹیم نے چٹہ پورہ میں محاصرے اور تلاشی کی کارروائی شروع کی تھی۔ فورسز کے مطابق انہیں مصدقہ اطلاع ملی تھی کہ علاقے میں عسکریت پسند چھپے ہوئے ۔
جیسے ہی فورسز کی مشترکہ ٹیم مشتبہ مقام کی طرف پہنچی تو چھپے ہوئے عسکریت پسندوں نے فورسز پر گولی چلائی جس سے فائرنگ کا تبادلہ شروع ہوگیا۔ اس جھڑپ میں جو عسکریت پسند ہلاک کیا گیا ہے وہ شمالی کشمیر کے چوگل ہندواڑہ سے بتایا جارہا تاہم پولیس نے ابھی تک اس کی شناخت نہیں کی۔
