سرینگر: ملک کی 75ممتاز ثقافتی ورثے کے مقامات میں سے جموں و کشمیر کی جن تین تاریخی مقامات کو بین الاقوامی یوگا ڈے کے لیے منتخب کیا گیا ہے ان میں سرینگر کا جھیل ڈل، جنوبی کشمیر کے اننت ناگ ضلع کا مارتنڈ سن مندر اور جموں میں آر ایس پورہ سیکٹر کا سچیت گڑھ کا نام شامل ہیں۔
ایسے میں ڈاکٹر جتندر سنگھ سچیت گڈھ کی بین الاقوامی سرحد پر حفاظتی اہلکاروں اور مقامی لوگوں کے ساتھ یوگا ڈے تقریب کی قیادت کریں گے۔ مرکزی وزیر مملکت صحت و خاندانی بہبود ڈاکٹر بھارتی پروین پوار اننت ناگ میں مارتنڈ سن مندر میں تقریبات کی قیادت کریں گی جبکہ مرکزی وزیر مملکت پنچایتی راج کپل مور یشور پاٹل جھیل ڈل سرینگر میں منعقد ہونے والے یوگا دن کی تقریب میں شامل ہوں گے۔
بین الاقوامی یوم یوگا کے ستائیسویں دن کی تقریب کی میزبانی کرے گا اے ایم یوواضح رہے مرکزی حکومت نے 75 تاریخی اور مشہور مقامات کو حتمی شکل دی ہے جہاں وزیر اعظم نریندر مودی، وزیر دفاع، وزیر داخلہ اور وزیر خزانہ سمیت 75مرکزی وزاء امسال بین الاقوامی یوگا دن کی تقریبات میں شامل ہوں گے۔
