امت نیوز ڈیسک // ضلع شوپیاں میں فوج کی 44 راشٹریہ رائفلز، سی آر پی ایف کی 178 بٹالین اور جموں و کشمیر پولیس نے ہیف شرمال علاقے کے باغیچوں میں عسکریت پسندوں کی موجودگی کی اطلاع موصول ہونے پر تلاشی آپریشن شروع کیا تھا۔ اسی دوران علاقے کے نیل ناگ نام کے باغیچے میں عسکریت پسند موجود تھے۔ جوں ہی فورسز اہلکار ان باغیچوں کی طرف بڑھنے لگی تو یہاں موجود عسکریت پسندوں نے فورسز اہلکاروں پر فائرنگ کی جس کے ساتھ ہی طرفین میں انکاؤنٹر شروع ہوا۔ کچھ دیر تک گولیوں کا تبادلہ جاری رہنے کے بعد سناٹا چھا گیا۔ وہیں فورسز اہلکاروں نے محاصرے کو سخت کرکے سبھی ممکنہ راستوں پر پہرے بٹھا کر تلاشی آپریشن شروع کیا۔ تاہم عسکریت پسند فرار ہونے میں کامیاب رہے، فورسز کی جانب سے علاقے میں تلاشی آپریشن ختم کردیا گیا.
