(راجوری)ریاسی کے تکسن گاﺅں میں مقامی لوگوں نے دو ملی ٹینٹوں کو گرفتار کروانے میں پولیس کی مدد کی۔ گرفتار ملی ٹینٹوں میں راجوری کا طالب حسین شاہ بھی شامل ہیں جو ملی ٹنسی سے جڑے متعدد مقدمات میں مطلوب تھا اور جموں و کشمیر پولیس نے اس کے نام پر انعام کا اعلان بھی کیا تھا۔
تفصیلات کے مطابق جموں و کشمیر پولیس نے بتایا کہ تکسن کے گاوں والوں نے لشکر طیبہ تنظیم کے ان دو ملی ٹینٹوں کو تکسن میں گرفتار کیا۔
پولیس نے کہا،”ریاسی ضلع میں تکسن کے دیہاتیوں کی ہمت کو سلام کیونکہ لشکر طیبہ کے دو جنگجو کو گاوں والوں نے ہتھیاروں کے ساتھ پکڑ لیا ہے”۔
پولیس نے مزید بتایا کہ ان کے قبضے سے 2 اے کے رائفل، 7 گرینیڈ اور ایک پستول برآمد کیا گیا ہے۔
پولیس نے کہا، “ڈی جی پی نے گاوں والوں کے لیے 2 لاکھ روپے کے انعام کا اعلان کیا ہے”۔
گرفتار ملی ٹینٹوں کی شناخت فیضل احمد ڈار ولد بشیر احمد ڈار ساکنہ بارہمولہ اور طالب حسین ولد حیدر شاہ ساکنہ راجوری کے طور پر کی گئی ہے۔
