بانہال// رامسو سڑک حادثہ میں زخمی ہونے والی ایک اور خاتون نے گزشتہ دیر رات سری نگر کے ایک ہسپتال میں دم توڑ دیا۔
ایک اہلکار نے بتایا کہ نازہ بیگم (عمر45) زوجہ محمد اقبال سہیل ساکنہ نیل تحصیل رامسو دیر رات سکمز سری نگر میں زخموں کی تاب نہ لاتے ہوئے چل بسی۔
نازہ بیگم کی موت کے ساتھ ہی اس المناک حادثے میں ہلاکتوں کی تعداد بڑھ کر 6ہو گئی۔
تفصیلات کے مطابق اتوار کے روز بعد دوپہر ایک شادی کی تقریب سے لوٹ ایک ایس یو وی کار ڈرائیور کے قابو سے باہر ہو کر ہنگنی کے مقام پر ایک گہری کھائی میں گرنے سے کم سے کم دو افراد موقع پر ہی دم توڑ گئے تھے، جبکہ 7دیگر زخمی ہوئے تھے، جن میں شدید زخمی افراد بعد میں دم توڑ گئے۔
اہلکار نے بتایا کہ حادثے میں زخمی ہونے والی دو خواتین جی ایم سی اننت ناگ میں زیر علاج ہیں
