امت نیوز ڈیسک ///
کشمیر میں یوم آزادی کی تقاریب سے قبل سیکورٹی سخت کردی گئی ہے،ڈرون سے نگرانی کی جارہی ہے،اسنائپرز اور سادہ لباس میں پولیس اہلکار تعینات کئے گئے ہیں،اور متعدد مقامات پر گاڑیوں کی چیکنگ کی جارہی ہیں۔ پولیس عہدیدار نے بتایا کہ ہفتہ کو جموں و کشمیر کے ضلع کولگام میں ہوئے گرینیڈ حملہ میں ایک پولیس اہلکار ہلاک ہوا تھا، گرنیڈ حملہ کولگام میں کیا گیا، جس میں مینڈھر پونچھ سے تعلق رکھنے والا پولیس اہلکار طاہر خان زخمی ہوگیا، کشمیر پولیس کے مطابق اسے علاج کے لیے اننت ناگ کے گورنمنٹ میڈیکل کالج ہسپتال لے جایا گیا جہاں وہ زخموں کی تاب نہ لاتے ہوئے چل بسا۔
کشمیر پولیس زون کے آفیشل ہینڈل نے ٹویٹ کیا کہ گذشتہ شب کولگام میں گرینیڈ سے حملہ کیا گیا، اس حملہ میں طاہر خان نامی پولیس اہلکار زخمی ہوئے تھے،جنہیں علاج کے ہسپتال میں داخل کیا تھا،تاہم ہسپتال میں اس کی موت ہوگئی۔ یہ گرنیڈ حملہ راجوری ضلع میں آرمی کیمپ پر دو عسکریت پسندوں کی جانب سے کئے گئے حملہ میں چار فوجی اہلکاروں کے مارے جانے واقعہ کے چند ایام بعد پیش آیا ہے،پولیس اہلکار نے کہا کہ نے کہا کہ یہ حملہ تین سال سے زیادہ عرصے کے بعد جموں و کشمیر میں ‘فدائین’ کی واپسی کا عندیہ ہے۔
