(ریاض) سعودی دارالحکومت میں خلیج تعاون کونسل کے بیالیسواں سربراہ اجلاس شروع ہوگیا۔ اجلاس میں خلیج تعاون کونسل کے 6رکن ممالک کے سربراہ یا ان کے نمایندے شریک ہیں۔ خبررساں اداروں کے مطابق سعودی ولی عہد نے ائرپورٹ پر مہمانوں کا استقبال کیا۔ سعودی وزیر خارجہ شہزادہ فیصل بن فرحان آل سعود کے مطابق یہ سربراہ اجلاس ایک اہم وقت پر منعقد ہو رہا ہے جب کہ خطے کو کئی چیلنجوں کا سامنا ہے۔ اس کا مقصد خلیجی ممالک کے یکجا سفر کو آگے بڑھانا اور خلیجی عوام کو فائدہ پہنچانا ہے۔
