(سرینگر) پیپلز الائنس فار گپکار ڈیکلریشن 21 دسمبر کو جموں صوبہ میں اپنی اکائیوں کی ایک میٹنگ منعقد کرنے جا رہا ہے جس میں دفعہ 370 کی منسوخی کے سلسلے میں نئی دہلی اور اپوزیشن جماعتوں تک ان کی رسائی سمیت کئی مسائل پر تبادلہ خیال کیا جائے گا۔پی اے جی ڈی اجلاس کی صدارت اس کے صدر اور نیشنل کانفرنس کے رکن پارلیمنٹ ڈاکٹر فاروق عبداللہ کریں گے۔انہوں نے کہا کہ دفعہ 370 کی منسوخی کے سلسلے میں نئی دہلی میں مرکزی حکومت، سول سوسائٹی کے اراکین اور اپوزیشن جماعتوں تک ان کی رسائی سمیت کئی مسائل پر بات چیت کے لیے میٹنگ بلائی گئی ہے۔انہوں نے کہا کہ میٹنگ میں دفعہ 370 کے حوالے سے سپریم کورٹ میں اس کے ترجمان ایم وائی تاریگامی کی طرف سے دائر کی گئی رٹ پٹیشن کے بارے میں مزید کارروائی پر بھی تبادلہ خیال کیا جائے گا۔ذرائع نے بتایا کہ وہ جموں و کشمیر میں جاری حد بندی کے عمل اور اس سے متعلق مستقبل کی حکمت عملی پر بھی بات چیت کی جائے گی. قابل ذکر بات یہ ہے کہ یہ پہلی بار ہے کہ پی اے جی ڈی اپنے وجود میں آنے کے بعد جموں میں اپنی میٹنگ منعقد کرنے جا رہا ہے۔دریں اثنا، سینئر لیڈر اور این سی پارلیمنٹرین، حسنین مسعودی نے تصدیق کی کہ انہوں نے 21 دسمبر کو جموں میں ایک میٹنگ بلائی ہے جس میں دفعہ 370 کی منسوخی کے حوالے سے نئی دہلی، سول سوسائٹی کے اراکین اور اپوزیشن جماعتوں تک ان کی رسائی سمیت متعدد امور پر تبادلہ خیال کیاجائے گا۔انہوں نے یہ بھی کہا کہ میٹنگ میں جموں و کشمیر کی موجودہ صورتحال پر بھی تبادلہ خیال کیا جائے گا۔دریں اثنا، ذرائع نے یہ بھی بتایا کہ نیشنل کانفرنس کے ارکان پارلیمنٹ، جو کہ جموں و کشمیر کے حد بندی کمیشن کے رکن بھی ہیں، کا 20 دسمبر کو کمیشن کی میٹنگ میں شرکت کرنے کا امکان ہے۔قابل ذکر ہے کہ بدھ کو اے این سی کے سینئر نائب صدر اور پی اے جی کے رکن مظفر احمد شاہ نے کہا تھا کہ وہ مختلف حلقوں تک پہنچنے اور دفعہ 370 کی منسوخی کے لیے دباؤ ڈالنے کے لیے نئی دہلی میں خیمہ زن ہیں۔
