(جموں) لکھنپور انٹری پوئنٹ پر جموں و کشمیر کے حدود میں داخل ہونے والے مسافروں نے (کوؤڈ) ریپڈٹیسٹ کرنے والے عملے کو زد کوب کیا جس کے نتیجے میں قریباً دس ہزار سے زیادہ افراد جموں و کشمیر کے حدود میں بغیر ٹیسٹ کروائے داخل ہوئے۔ مشتعل ہجوم نے لیبارٹری میں گھس کر توڑپھوڑکی اور سینٹر کوبڑے پیمانے پر نقصان پہنچا دیا۔ لکھن پور انٹری پوئنٹ پرپیش آ ئے اس واقعے کے بعد ٹیسٹ کرنے کی کارروائی فی الحال متاثر ہوگئی ہے اور ٹیسٹ کرنے والے مطالبہ کررہے کہ انہیں تحفظ فراہم کرنے کے لئے اقدامات اٹھائے جائیں۔ میڈیا رپورٹس کے مطابق لکھنپور انٹری پوئنٹ پر اس وقت تصادم ہوا اور مشتعل ہجوم نے 24-25دسمبر کی درمیانی رات کوریپیڈ ٹیسٹ کرنے والی لیبارٹری میں داخل ہوکر ٹیسٹ کرنے والوں کو نہ صرف زدکوب کیا بلکہ لیبارٹری کی اینٹ سے بھی اینٹ بجا دی جس کے نتیجے میں مسافروں کے لئے ٹیسٹ کرنے کی کارروائی فی الحال متاثر ہوگئی ہے۔لکھن پورانٹری پوئنٹ پر ٹیسٹ کرنے والے ملازمین کا کہنا ہے کہ 24-25دسمبر کی درمیانی رات کو مسافروں کی ایک بڑی تعداد اپناٹیسٹ کرانے کیلئے قطاروں میں کھڑے ہوگئے اور اس دوران دو سے ڈھائی ہزار کے قریب جموں و کشمیرکے حدود میں داخل ہونے والے مسافروں نے مطالبہ کیاکہ انہیں جلدی ٹیسٹ رپورٹ فراہم کی جائے جوابھی کرنے باقی تھے اور جب مسافروں کوصبر وتحمل بھرتے نے تلقین کی گئی تووہ مشتعل ہوئے اور انہوں نے لیبارٹری کے اندرگھس کر نہ صرف ٹیسٹ کرنے والوں کو زد کوب کیا بلکہ ٹیسٹ رپورٹ اور عمارت کے شیشے چکناچور کئے اور ٹیسٹ کرانے والے اپنی جانوں کوبچانے کے لئے عمارت سے فرارہونے پرمجبور ہوئے۔ مشتعل ہجوم کی جانب سے توڑپھوڑکرنے کی وجہ سے جہاں ٹیسٹ کرانے کی کارروائی فی الحال ٹھپ ہوگئی ہے وہی ٹیسٹ کرانے والا عملہ مطالبہ کررہا ہے کہ انہیں ٹیسٹ کرانے کے دوران حجوم سے بچانے کے لئے تحفظ فراہم کیاجائے۔ ٹیسٹ کرانے والوں نے اس بات کابھی انکشاف کیاکہ مشتعل ہجوم کی اس کاروائی کی وجہ سے سینکڑوں کی تعداد میں مسافر جموں و کشمیر کے حدود میں داخل ہونے میں کامیاب ہوئے ہیں۔ پولیس نے اس بات کی تصدیق کی کہ لکھن پور انٹری پوئنٹ پر تصادم کے دوران بڑی تعداد میں بغیرٹیسٹ مسافر جموں و کشمیرکے حدود میں داخل ہوئے ہیں تا ہم ایسے افراد کوڈھونڈ نکالنے کے لئے اقدامات اٹھائے جائینگے۔ واضح رہے ضلع کٹھوعہ انتظامیہ نے 23 دسمبر کو اس ضمن میں احکامات جاری کئے تھے کہ لکھن پور انٹری پوائنٹ سے داخل ہر کسی مسافر کا کرونا ٹیسٹ کرنا لازمی ہے۔ 
DC Kathua Rahul Yadav appeals ppl to 𝒂𝒅𝒉𝒆𝒓𝒆 𝒕𝒐 𝒕𝒉𝒆 𝒓𝒆𝒔𝒕𝒓𝒊𝒄𝒕𝒊𝒐𝒏𝒔 𝒊𝒎𝒑𝒐𝒔𝒆𝒅 𝒃𝒚 𝑫𝒊𝒔𝒕𝒓𝒊𝒄𝒕 𝑨𝒅𝒎𝒊𝒏𝒊𝒔𝒕𝒓𝒂𝒕𝒊𝒐𝒏 in view of threat of OMICRON variant and increased influx of travellers at Lakhanpur @diprjk @infjammu @OfficeOfLGJandK pic.twitter.com/hWsfcLU1ih
— DC Kathua (@districtadmkat1) December 24, 2021
خیال رہے جموں و کشمیر کی حدود میں داخل ہورہے مسافروں کی شکایت ہے کہ ٹیسٹ کروانے کا عمل کافی سست ہونے کی وجہ سے مسافروں کو گھنٹوں کا انتظار کرنا پڑتا ہے جس وجہ سے مسافروں کو کافی اذیت پہنچتی ہے۔
