(کولگام) ضلع کولگام کے میرہامہ علاقے میں فورسز اہلکاروں اور جنگجووں کے درمیان تصادم میں تین جنگجو ہلاک ہو گیے ہیں۔ ایک سینئر پولیس اہلکار نے بتایا کہ جنگجووں کی موجودگی کی اطلاع ملنے کے بعد پولیس، فوج اور سی آر پی ایف کی ایک مشترکہ ٹیم نے علاقے میں تلاشی آپریشن شروع کیا۔انہوں نے کہا کہ جب فورسز کی مشترکہ ٹیم نے مشتبہ جگہ کی تلاشی کا عمل تیز کیا تو چھپے ہوئے جنگجوﺅں نے فورسز کی پارٹی پر فائرنگ کی، جس پر جوابی کارروائی کی گئی۔ انہوں نے کہا کہ علاقے میں فائرنگ میں تین جنگجو ہلاک ہو گیے ہیں جن کی شناخت کی جارہی ہے.
