گاندربل میں سڑک حادثہ، چار افراد زخمی

(گاندربل) گاندربل ضلع کے مارگنڈ کنگن علاقے میں ہفتہ کی صبح ایک گاڑی سڑک سے پھسل جانے سے چار افراد کو معمولی چوٹیں آئیں۔تفصیلات کے مطابق ایک انووا گاڑی زیر نمبر JKO1T-6834کنگن کی طرف جا رہی تھی، مارگنڈ کنگن کے مقام پر سڑک سے پھسل کر گرنے سے چار افراد کو معمولی چوٹیں آئیں. تمام زخمیوں کو فوری طور پر قریبی سب ضلع اسپتال کنگن میں پہنچایا گیا۔ایک سرکاری اہلکار نے واقعے کی تصدیق کرتے ہوئے کہا کہ تمام زخمیوں کی حالت مستحکم ہے۔