(سرینگر) کشمیر زون پولیس کے انسپکٹر جنرل وجے کمار نے جمعرات کے روز ضلع کولگام کے نیلو میں واقع پولیس کے ایس او جی کیمپ کا دوہ کرکے وہاں پولیس افسروں و اہلکاروں اور فوج و سی آر پی ایف کے اہلکاروں کے ساتھ بات چیت کی۔ انہوں نے اس دوران کولگام پاری ون میں جائے تصادم آرائی کا بھی دورہ کیا جہاں گذشتہ شب فورسز اور جنگجوؤں کے درمیان تصادم آرائی میں جیش محمد سے وابستہ ایک جنگجو، ایک ایس او جی اہلکار ازجان جب کہ تین فوجی جوان اور دو عام شہری بھی زخمی ہوئے تھے۔ اس موقع پر ڈی آئی جی جنوبی کشمیر اور ایس ایس پی کولگام بھی ان کے ہمراہ تھے۔
