(گاندربل) ضلع گاندربل کے وتہ لار علاقے میں فورسز کو تلاشی کارروائی کے دوران گولہ بارود برآمد ہوا ہے۔ تفصیلات کے مطابق فورسز اہلکاروں نے جمعہ کے روز گاندربل کے وتہ لار میں موجود میوہ باغات میں محاصرے اور تلاشی کارروائی کی ۔تلاشی کارروائی کے دوران فورسز کو گولہ بارود کا ایک ذخیرہ برآمد ہوا ہے۔ پولیس نے بتایا کہ 24 آر آر اور اسپیشل آپریشن گروپ (ایس او جی) گاندربل نے وتہ لار کے علاقے میں تلاشی مہم شروع کی اور باغات سے گولہ بارود کا ذخیرہ برآمد کیا۔ انہوں نے بتایا کہ تلاشی آپریشن کے دوران 60 اے کے راؤنڈ، دو گرینیڈ، 3 یو بی جی ایل، 7 ڈیٹونیٹر، 3 فیوز، 1 بیگ اور ایک پاؤچ برآمد کیا گیا۔ اس سلسلے میں ایک کیس درج کر لیا گیا ہے اور مزید تحقیقات شروع کر دی گئی ہے۔
