(سرینگر) سرینگر کے ڈاؤن ٹاؤن علاقے میں نامعلوم افراد نے 22 سالہ دوشیزہ پر تیز آب پھینکا جس وجہ سے اُس کا چہرہ بری طرح سے جھلس گیا ہے۔ تفصیلات کے مطابق منگل کی شام کو عثمانیہ کالونی وانٹہ پورہ کے نزدیک نامعلوم افراد نے 22 سالہ دوشیزہ پر تیز آب پھینکا جس وجہ سے وہ بری طرح سے زخمی ہوئی اور اُس کو علاج ومعالجہ کی خاطر ایس ایم ایچ ایس اسپتال منتقل کیا گیا۔ پولیس نے اس ضمن میں نامعلوم افراد کے خلاف باضابط طورپر کیس درج کرکے اُن کی بڑے پیمانے پر تلاش شروع کی گئی ہے۔ اسپتال ذرائع کے مطابق دوشیزہ کے چہرے کے ساتھ ساتھ اُس کی دونوں آنکھیں متاثر ہوئی ہے جبکہ بائیں بازو اور زبان بھی جھلس گئی ہے۔ڈاکٹر وں نے متاثرہ دوشیزہ کا علاج شروع کیا ہے اور آنکھوں کے ٹیسٹ بھی کرائے جارہے ہیں تاکہ یہ دیکھا جاسکے کہ دوشیزہ کی بینائی تو متاثر نہیں ہوئی ہے۔
