پولیس اور محکمہ مال کی مشترکہ ٹیموں کے جموں میں کئی مقامات پر چھاپے

(جموں) جموں میں لینڈ ریکارڈس کی پُرا سرار گمشدگی اور سرکاری اراضی پر قبضہ کرنے والے مافیا کے خلاف انتظامیہ نے کریک ڈاو ن شروع کیا ہے۔ اطلاعات کے مطابق اتوار کی صبح کو پولیس نے جموں شہر کے مختلف علاقوں میں چھاپے ڈالے جس دوران اہم کاغذات ضبط کرنے کا دعویٰ کیا گیا.جموں صوبے میں اراضی ریکارڈ غائب ہونے کے معاملے میں پولیس نے اتوار کے روز مختلف مقامات پر چھاپے مارے۔انہوں نے بتایا کہ پولیس اور محکمہ مال کی مشترکہ ٹیموں نے چھاپہ مار کارروائی کے دوران رہائشی مکانات کی تلاشی لی اور وہاں سے اہم کاغذات کو بھی تحویل میں لے لیا ہے۔سرکاری ذرائع کا کہنا ہے کہ چند ماہ قبل جموں میں رونیو ریکارڈ غائب ہونے کے بعد پولیس نے معاملے کے متعلق کیس درج کرکے تحقیقات شروع کی. انہوں نے بتایا کہ تفتیش کے دوران اراضی ریکارڈ غائب ہونے کے پیچھے کئی افراد کے نام سامنے آئے جس کے بعد پولیس نے اتوار کو باضابط طورپر چھاپے ماری کی۔انہوں نے بتایا کہ لینڈ ریکارڈ غائب کرنے میں جو کوئی بھی ملوث پایا جائے گا اُس کے خلاف سخت سے سخت کارروائی عمل میں لائی جائے گی۔بتادیں کہ جموں صوبے میں چند ماہ قبل رونیو ریکارڈ غائب ہونے کے بعد انتظامیہ نے باضابط طورپر ایک کیس درج کیا ہے۔