(گاندربل) گاندربل ضلع میں جمعرات کو ایک سڑک حادثے میں دو سیاح ہلاک جبکہ متعدد زخمی ہوگئے.اطلاعات کے مطابق ایک ٹیمپو سرینگر-لیہہ ہائی وے پر گاندربل ضلع کے ہری گنیوان علاقے کے قریب سڑک سے پھسل گیا۔ واقعے میں متعدد افراد زخمی ہوئے جنہیں علاج کے لیے اسپتال منتقل کردیا گیا۔ زخمیوں میں ایک خاتون سمیت دو افراد کی موت ہو گئی جبکہ دیگر ایس ڈی ایچ کنگن میں زیر علاج ہیں۔ پولیس نے واقعے کا نوٹس لیتے ہوئے تفتیش شروع کردی ہے۔
