(سرینگر) پی ڈی پی صدر اور سابق وزیر اعلیٰ محبوبہ مفتی نے لیفٹیننٹ گورنر منوج سنہا کو اننت ناگ میں واقع مارتند سوریہ مندر میں پوجا پاٹ کرنے پر ہدف تنقید بنایا ہے۔ان کا کہنا ہے کہ موصوف لیفٹیننٹ گورنر نے آرکیالوجیکل سروے آف انڈیا( اے ایس آئی) کے قوانین کی خلاف ورزی کی ہے. موصوف سابق وزیر اعلیٰ نے ان باتوں کا اظہار منگل کو اپنے ایک ٹویٹ میں کیا۔
While thousands of Kashmiris are jailed on frivolous charges, the head of the state brazenly flouts simple rules like performing puja at an ASI protected site. Governance in J&K has been reduced to acts of puja & oppressing people into silence. https://t.co/iAkqvPC1OQ
— Mehbooba Mufti (@MehboobaMufti) May 10, 2022
محبوبہ مفتی ان رپورٹس پر اپنا رد عمل ظاہر کر رہی تھیں جن میں کہا گیا ہے کہ اے ایس آئی نے منوج سنہا کے اننت ناگ میں تحفظ شدہ مارتند مندر کے دورے پر اعتراض کرتے ہوئے کہا ہے کہ انہوں نے محفوظ یادگاروں سے متعلق قوانین کی خلاف ورزی کی ہے۔محبوبہ مفتی نے اپنے ٹویٹ میں کہا: ’ہزاروں کشمیری بے بنیاد الزامات کے تحت قید خانوں میں بند ہیں ریاست کا سربراہ اے ایس آئی کی طرف سے تحفظ شدہ مقام پر پوجا کرکے قوانین کی خلاف ورزی کرتے ہیں‘۔ان کا ٹویٹ میں مزید کہنا تھا: ’جموں و کشمیر میں حکومت پوجا پاٹ اور لوگوں کو دباؤ کے تحت خاموش کرنے تک محدود رہ گئی ہے.‘
